/ chiongeeng 顏贊賀
2014-07-17
我所熟似--ê史明 おじさん
炒麵的革命家—史明 おじさん
(chiongeeng 顏贊賀)
史明おじさん在1993年轉來台灣，彼陣黑名單（給國民黨禁止入境海外異議人士）開放（1992年5月）無偌久，大家攏非常注意這个事志，當時閣有什麼人對海外轉來台灣。講是開放黑名單，毋閣國民黨的爪扒-仔猶是成囂俳（hiau-pai）、聳鬚，攏嘛無插潲法律的規定，若有人對海外轉來台灣攏會派人監視合蒐證翕相。
おじさん對日本倒轉來攏無停睏，翻轉年（大約1994年）伊就來臺中演講（在本土文化冊局），會記得彼个所在細細--兮，內面篋無偌濟人。伊講著台灣400-年歷史、台灣是殖民地，誠認真宣傳伊的理念，予我印象真深。閣來伊有一的組織就是「獨立台灣會」嘛咧開始招兵買馬。おじさん在日本東京有一間店，日時佇樓跤炒麵暗時佇樓頂寫冊做革命。"手ná-炒麵ná-舞革命。做革命的人袂用--得有家庭" 伊按呢講。這兮情操毋是普通人做會到--的。
這是我頭一擺聽おじさん咧演講，彼-當陣伊咧講話會大-心-氣，就是心臟較無力，而且伊的腔口我一時聽袂慣勢，聽著成吃力，毋過看おじさん伊咧拚命演講的精神合咧講話的態度，你會足感動咧。講著對おじさん咧演講哪會遐有興趣leh？伊在日本咧做台灣獨立革命運動的時，一寡風聲定定會傳入來台灣；國民黨定會放風聲講 "在什麼所在閣有咧暴動，抑是什麼設施建設去hông-人破壞、去hông-人kā創掉...."，這个事志攏嘛有おじさん的份。雖罔おじさん受著的基礎教育是日文，毋閣伊對漢文合英文嘛會通。若講伊彼本大-著作《台灣人四百年史》，立意明瞭、資料詳細、嚴格謹慎的考證無人綴（跟）會著，會用得講研究對社會主義到從事台灣獨立這條路思想最好的冊。
國民黨的抓扒仔上驚--ê就是おじさん的獨立台灣會，便若有發生重大的政治案件，抑是看著特殊的記號，親像一个戴雞笠仔的人頭的記號，合一个箭頭的記號，國民黨的走狗合媒體攏會kā放大-khah成恐怖，袂su-兮阿共欲拍-過來咧。後來我去查資料才知影彼是おじさん的註冊商標「獨立台灣會」（他們）in-的傑作，所以國民黨的抓扒仔不管在佗位看著彼兮おじさん的註冊商標，攏大驚小怪當作又閣大功一件，想--起來嘛成好笑。
閣來台灣若有什麼政治活動攏會看著in，親像在2005/4/26連戰這隻大-奴才欲去中國見in-祖公，在臭頭機場（桃園機場）的路-ni̍h kā in 放炮，去予國民黨起訴判刑hit-層事志；in kā伊合助理硞--起來在咧審判的時，おじさん講伊規个擔--起來。開庭的時法官咧kā問，而おじさん尻川向法官 "恁這兮走狗--兮，恁爸咧舞革命的時恁猶未出世leh" ，法官無辦法就予伊交保。おじさん敢做敢當，在90-歲--ah猶毋驚死的勇氣使人敬佩。おじさん講：愛台灣無罪！
願台灣神予おじさん身體康健。
炒麵的革命家—史明 おじさん
(chiongeeng 顏贊賀)
史明おじさん在1993年轉來台灣，彼陣黑名單（給國民黨禁止入境海外異議人士）開放（1992年5月）無偌久，大家攏非常注意這个事志，當時閣有什麼人對海外轉來台灣。講是開放黑名單，毋閣國民黨的爪扒-仔猶是成囂俳（hiau-pai）、聳鬚，攏嘛無插潲法律的規定，若有人對海外轉來台灣攏會派人監視合蒐證翕相。
おじさん對日本倒轉來攏無停睏，翻轉年（大約1994年）伊就來臺中演講（在本土文化冊局），會記得彼个所在細細--兮，內面篋無偌濟人。伊講著台灣400-年歷史、台灣是殖民地，誠認真宣傳伊的理念，予我印象真深。閣來伊有一的組織就是「獨立台灣會」嘛咧開始招兵買馬。おじさん在日本東京有一間店，日時佇樓跤炒麵暗時佇樓頂寫冊做革命。"手ná-炒麵ná-舞革命。做革命的人袂用--得有家庭" 伊按呢講。這兮情操毋是普通人做會到--的。
這是我頭一擺聽おじさん咧演講，彼-當陣伊咧講話會大-心-氣，就是心臟較無力，而且伊的腔口我一時聽袂慣勢，聽著成吃力，毋過看おじさん伊咧拚命演講的精神合咧講話的態度，你會足感動咧。講著對おじさん咧演講哪會遐有興趣leh？伊在日本咧做台灣獨立革命運動的時，一寡風聲定定會傳入來台灣；國民黨定會放風聲講 "在什麼所在閣有咧暴動，抑是什麼設施建設去hông-人破壞、去hông-人kā創掉...."，這个事志攏嘛有おじさん的份。雖罔おじさん受著的基礎教育是日文，毋閣伊對漢文合英文嘛會通。若講伊彼本大-著作《台灣人四百年史》，立意明瞭、資料詳細、嚴格謹慎的考證無人綴（跟）會著，會用得講研究對社會主義到從事台灣獨立這條路思想最好的冊。
國民黨的抓扒仔上驚--ê就是おじさん的獨立台灣會，便若有發生重大的政治案件，抑是看著特殊的記號，親像一个戴雞笠仔的人頭的記號，合一个箭頭的記號，國民黨的走狗合媒體攏會kā放大-khah成恐怖，袂su-兮阿共欲拍-過來咧。後來我去查資料才知影彼是おじさん的註冊商標「獨立台灣會」（他們）in-的傑作，所以國民黨的抓扒仔不管在佗位看著彼兮おじさん的註冊商標，攏大驚小怪當作又閣大功一件，想--起來嘛成好笑。
閣來台灣若有什麼政治活動攏會看著in，親像在2005/4/26連戰這隻大-奴才欲去中國見in-祖公，在臭頭機場（桃園機場）的路-ni̍h kā in 放炮，去予國民黨起訴判刑hit-層事志；in kā伊合助理硞--起來在咧審判的時，おじさん講伊規个擔--起來。開庭的時法官咧kā問，而おじさん尻川向法官 "恁這兮走狗--兮，恁爸咧舞革命的時恁猶未出世leh" ，法官無辦法就予伊交保。おじさん敢做敢當，在90-歲--ah猶毋驚死的勇氣使人敬佩。おじさん講：愛台灣無罪！
願台灣神予おじさん身體康健。
